早前聖誕來到呢間置身中環LKF 29 的四樓Sparks Bar & Restaurant.!大愛呢家中式食材,西式煮法嘅餐廳 !

理應好多外國人嘅地方,場內竟然9成係香港人,點解呢?!

因為佢地有香港人嘅腳毛!

 

  1. 無論餐牌上嘅野飲用香港歌名,定係飲品加咗好多香港特色!

2. 星期五晚10pm-2am有香港樂隊嘅演唱,主場佢地以廣東歌為主,都係一個地地道道嘅特色!

講到野食!中西合壁勁特別!

一開波頭盤係三文魚子 煎帶子,橙皮苦澀味帶出帶子嘅鮮味,刺身帶子 輕煎 出面係暖 入面係刺身嘅感覺!配合埋野莓醬,超開胃呀!

配菜有係欖油伴沙律菜都好入味!

主菜試咗香煎深海智利鱸魚,厚切保持鮮味,煎個皮係脆 ,入面係滑架!另外有菠菜係底,配上檸檬蒜蓉牛油嘅汁去食,好正!

跟住試埋佢個招牌菜!慢煮法式乳豬脾(中式食材,西式煮法),一開波焗20分鐘,之後再燒多一陣,做到外脆內軟嘅口感,將肉汁鎖係入面

,肉質係超嫩口!

 

食完飯好似覺得差少少野?落3樓仲有個酒吧,食煙飲酒講粗口都無問題啦!

今次飲咗杯Sparks cocktails,叫那些年 we are young!飲完有回想起那些年嘅傷心囉!