就嚟到五月就自然諗起法國,記得喺法國食嘅任何一個牛角酥都好好食,好鬆脆!今次聖安娜推出「Taste of France 品味法國系列」,食品生產副董事總經理Jason就同佢嘅團隊喺Pots n Pans Cooking Studio親身展示酥皮嘅製作過程,我學到嘢之餘仲試食咗呢個系列嘅新產品,好滿足呀~

法國傳統工藝摺疊出嘅25層酥皮。點解唔係24或者26?原來25層係聖安娜專業團隊研究應該口感最好嘅層數。

呢個系列用到最出名嘅法國巴黎大磨坊T55同T65麵粉,仲用正統法國酵母同成本高嘅發酵牛油。唔怪得咁香啦!

捲起麵糰、搽蛋漿、放入焗爐。一個個牛角酥排住隊出場,好香、好脆、好好味!

唔單止Jason,仲有其他師傅都唔怕煩好用心咁同我哋講解,好有人情味。平時連鎖店買到嘅麵包就係佢地喺背後努力研發~

由於香港天氣濕度較高,最佳食用時間係烘焙後30分鐘。所以如果帶返屋企食,建議用家用多士焗爐焗返3分鐘,咁就正喇。

 

只限聖安娜餅屋現場烘培店有售:

法國酥系列 ($10-$12.5件) 牛角酥、朱古力酥、芝士煙腿酥

迷你法國酥 ($4.5件; $12三件)牛角酥、朱古力酥、提子漩渦

 

法國麵包系列 ($9-$9.8件)朱古力包、牛奶漩渦

 

#TasteOfFrance #品味法國 #迷你法國酥 #法國麵包 #聖安娜 #SaintHonore