平時大魚大肉開,想清清胃口,好多人會揀去食素,但好多時啲素食店為咗填補返食肉嗰種味道,就會勁落味精勁落油,咁樣食素反而仲唔健康!近排遇到一個好高質嘅素食放題,忍唔住要同大家分享,希望大家同我一樣可以打破平日對素食嘅印象:)

 

 

 

「The Joomak」位於海港城LCX,極方便就腳,係一間新派fusion韓食店。平時有肉食,近日逢星期三就同Green Monday合作推出90分鐘素食放題,每位都係$198!呢個任食價錢喺尖沙咀嚟講真係無得彈!環境舒服乾淨,有海景,約friend嚟聚一流。

 

 

Menu嘅選擇好多,每樣都好新奇,想試晒嘅就要叫多啲朋友嚟食,因為每碟份量都好夠呀~

 

 

韓式甜辣素炸雞:外脆內軟,個醬好特別,甜同辣配合得好好,誰也搶不了誰的味~

 

健營藜麥沙津:近排興藜麥呀!樣樣材料都好新鮮,食幾多都唔怕肥。

 

黑糖麻藥粟米:麻藥即係芝士粉+辣粉,再加少少檸檬汁。點解叫麻藥?因為食完就好似食咗麻藥咁會上癮(唔係韓國fans的我長知識了)。

 

羽衣甘藍煎餅:一聽羽衣甘藍就知健康同低脂,配合埋個紅洋蔥、紫椰菜、檸檬、白醋mix埋嘅汁,好特別!最重要係一啲都唔油膩~

 

韓國水梨卷:用韓國黃金梨做嘅卷物,好開胃,唔覺唔覺會食晒。

 

水果覆盆紅醋 (二人用):好豐富嘅果味,每樣材料都好新鮮!

 

Makgeolli Cocktail:好有菠蘿清新味道,略嫌冇咩酒味啫。(不過唔好酒嘅朋友可能會鍾意!)

 

講完啲野食,發現原來The Joomak有聘請聽障朋友,支持殘障就業。唔單止啲嘢好食,仲有善心呀~

 

 

 

 

 

 

The Joomak

地址:尖沙咀廣東道17號海港城海運大廈3樓LCX 34號舖

日期:2018年4月25日至6月30日 逢星期三(公眾假期除外)

用餐時限:90分鐘

供應時段:全日