突然四年又過去,提提大家今晚十一點俄羅斯 VS 沙地阿拉伯開波喇!而家連飲盒檸檬茶都可以表達對心水隊伍嘅愛,講緊嘅就係維他檸檬茶VLT~係澀呀,哈利!

由今個月開始,VLT出咗「高呼撐球迷」珍藏版檸檬茶,一共有12隊唔同嘅國家隊俾大家揀,分別有:巴西、哥倫比亞、英國、法國、阿根廷、俄羅斯、比利時、烏拉圭、葡萄牙、西班牙、日本同德國,買住嚟邊飲邊睇波就最正喇!

除咗飲之餘仲有得玩,以下呢個「24包裝檸檬茶足球對戰套裝」個包裝盒搖身一變可以變足球機,中場休息就可以玩!我成日都話夢想屋企要擺部足球機,我終於實現到喇嗚嗚……

跟住嚟緊介紹嘅野仲正,係免費請你飲檸檬茶呀!登入www.vitavitasoy.com/vltworldcup2018 ,upload相同揀你所支持嘅國家隊,就可以有自己專屬嘅VLT彩繪照,而當你喺指定日期去到奧海城2期地下「VLT『撐球迷』DIY專區」,仲可以免費印製屬於自己嘅VLT彩繪珍藏版~即場去都可以影架。

職員好多,好用心咁幫大家影相同製作。製作需時,大家影完相之後可以去行下街先~我等咗五分鐘度就有得拎喇~

阿根廷加油呀!!!

另外,買滿$25檸檬茶就可以參加抽獎,頭獎係尼馬親筆簽名波衫!二獎係百老匯$4000禮券,3獎係PS4。

 

詳情可以去慢慢睇:www.vitavitasoy.com/vltworldcup2018