炎炎夏日想搵一杯i冰凍又解渴飲品?但係成街都是台式飲品店, 好似分別唔大, 又唔知揀邊間好…
我今日就介紹一間手搖鮮果茶店比你地!!

果然 FruitMaster 係一間特色鮮果手調飲品專門店,店內飲品圍繞「生鮮水果」為主題,主要分為水果茶系列、鮮果奶昔系列、鮮果梳打系列以及奶蓋茶系列。

店內每一杯飲品,都係由店員人手調制即點即制。可根據客人口味調配,由於係「鮮果」制造,仲可以揀走甜添~ 店員會貼心提醒客人,如果走甜太酸可再次調配甜度(小編最滿意有售後服務既小店~)
每款飲品都有少量漸層效果岩曬中意打卡嘅女仔,口味清新解渴,由今日起中意飲果茶嘅你就唔需要千里迢迢返內地『潮聖』!

 

皇牌果茶(烏龍茶/錫蘭茶/甘菊茶)三款茶底可選

果茶內有多款水果,百香果,香橙,西瓜,檸檬,泰國青檸等等。果茶味道入口偏重於水果味,茶味餘韻之後出現,口感層次特別。味道清甜可以分別出絕對飲得出唔係坊間壓縮果糖漿。

 

葡萄柚小清新

店家是以原隻葡萄柚打碎後再調配果茶,每一啖飲得出一絲絲果肉,味道酸甜帶微廿醒神開胃。

 

西瓜烏龍奶昔

市面上絕對冇見過嘅配搭!原來係店家獨家飲品,奶昔普遍感覺甜膩,但店家自家調配奶昔偏重奶香而且配合港人口味唔會太甜,配合西瓜打出手搖奶昔,竟然意外地清新。

 

奶浪草莓(奶蓋茶)

店家奶蓋茶以果茶為基底。而且點解叫奶浪,店家解釋佢地奶蓋係機打以非粉狀開出,所以攪拌後有少量會慢慢溶入果茶中,每一啖飲落去口感都會有輕微變化奶味愈來愈濃。粒粒草莓肉配上奶蓋絕對令你愛不釋手。

 

呢間水果茶店足料鮮水果制,性價比高,健康得黎又好味,真心要支持下!

 

地址:旺角中心一期2樓SA25A號鋪(旺角D2出口/B4出口從T.O.P商場2/3樓經天橋過去右邊食區)

營業時間:
星期一至四 中午12:00至晚上10:30
星期五至日 中午12:00至晚上11:00 (仲開到好夜添!)